193捆綁花姐直播怕有生理反應　盼邀請友台長任ERROR演唱會嘉賓

193於新劇《無用的謊言》以油頭爛面造型示人，每日拍攝前都要花兩個多小時化特技妝，今日他出席記者會，表示上妝後，連工作人員都唔想靠近自己，自己照鏡都覺得醜。193出席完記者會後要趕去綵排，他希望唱泰文時唔好出錯，訪問時唱了幾句泰國，再順勢冧爆贊助商，十分識做。

提到日前ERROR直播時，有花姐做嘉賓，仲玩埋捆綁。「你見我哋捆綁方式都唔係一般方式，係AV綁。因為花姐身材一流，所以都唔敢綁太緊，怕花姐老公嬲。（怕自己有反應？）唔會，過咗有反應年紀。阿濟幫佢幫，唔知佢做過咩，我哋唔夠膽綁。」

193又指演唱會銷情理想，原本打算取消落區行動，但現計劃聖誕出動。「希望26， 本身想24， 但籌備唔切，同埋有睇新聞的話，我嗰隊都唔會齊人，因為要陪人過聖誕，所以可能26號落區。」問到是否會邀請無綫三大長老做嘉賓，193表示「事在必行，前兩日開完會，希望實踐到。（親自請？）希望約約到見面再游說。」