TVB性感小花化身眼鏡娘　綁帶衫設計古惑包到實仍震撼網民眼球

現年26歲的黃婧靈（波波）憑驕人豐滿身材及樣子甜美可愛，風靡萬千少男，是TVB的性感代表之一。早前波波與胡慧冲拍攝旅遊節目《冲遊泰國》，以多套性感泳衣大派福利後，再於社交平台分享靚相，雖然包到實，但依然引起網民熱烈討論。

波波日前在IG分享了多張靚相，今次化身文青眼鏡娘睇書，衣着較平時保守，跌膊衫大騷白滑香肩，雖然上圍包到實，但綁帶衫設計古惑，依然震撼大批網民眼球。有大批網民都忍不住留言大讚造型似足女Miss：「Miss波波係咪可以同我補習？」、「如果一齊看書，而妳咁樣坐在我前面，我諗會很難專心閱讀」、「文青波好索」、「件衫有啲諗法」「波波好美😍😍好可愛」。