「友誼小姐」王汛文生日倪樂琳唔見影 被質疑鬧不和：喺個心度鬧
撰文：吳子生
出版：更新：
「友誼小姐」王汛文（Candice）近日在社交網分享慶祝生日短片，眼見一班同屆佳麗姊妹在上菜時，眾人立即拿起手機為美食影相，將壽星女冷落一旁。相反，王汛文就拍下這歡樂一刻，直到生日蛋糕出場時，大家的焦點才再次回到她的身上，場面相當惹笑。
今晚（18/12）Candice現身香港故宮博物館出席慈善籌款晚宴，她接受《香港01》訪問時表示：「其實嗰時見到佢哋咁樣係覺得好搞笑，咁所以就即刻影低佢哋嘅罪證，不過就冇唔開心，當時我都有笑佢哋今日係我生日喎。（有冇朋友嚟唔到？）係有㗎，首先係去咗外國嘅朋友，我就冇叫佢嚟，而冠亞季佢哋3個當時都有其他嘢做，咁所以嚟唔到。」
有網民質疑她與倪樂琳鬧不和，Candice澄清：「其實唔會，喺我個心都會記住佢。其實真相係鬧咗好耐！哈哈，係呀，其實我哋全部喺個心度鬧，哈哈講笑咋！佢當日有同我講，佢有事嚟唔到，加上之前佢都同我慶祝咗，咁所以佢嚟唔到都無所謂。」