TVB女星曾傳婚變再和好 自拍肚凸凸疑有孕：收到200幾個祝福
撰文：洪曉璇
出版：更新：
《開心無敵獎門人》「獎老」之一吳嘉儀（阿七），自2015年加入無綫後工作不斷，去年8月與圈外男友「豬仔」拉埋天窗，但新婚不久即傳出婚變更哭訴被老公趕出家門，經努力後和好感情更勝從前。近日阿七上載自拍大肚照疑宣布喜訊。
12月16日阿七在IG分享短片，身穿白色闊身裙疑在家中自拍，對鏡頭幸福甜笑，再低抄見到圓圓肚皮目測懷孕近5, 6個月，留言：「Hello BB 👶🏻🩷#冇見一排個肚大咗 😊」網民紛紛留言恭賀。但原來一切是天大誤會，及後阿七澄清：「劇造型making of嚟，頭先連隨下個post出返d BB拍攝花絮宣傳吓套劇咋，點知IG hang機....」
阿七再上載多張照片公開假孕肚：「關於BB嘅嘢 🤔我近排社交網絡上比較低調，因為需要時間調整自己，新身份和崗位，安頓好後好快再通知大家 🙇🏻♀️至於我係曾經大肚，仲生咗個好得意嘅BB女👶🏻🩷因為我見到有fans cap圖話我已經出場了，所以post吓當時拍攝花絮宣傳吓，經手人係導演漢城和阿公，多謝您哋嘅信任，對手阿堅、lucas和BB都超好，仲有路過嘅康哥哥 🤣💗頭先排咗IG時間制發完片就連埋相，點知做咗陣家務見到電話收到200幾個祝福，原來哩d相上載唔到住要再po過🤣🤣🤣🎉多謝大家嘅預早祝福，我收到哂喇🙏🏻如果嚟緊成功咗，會立即立即通知大家！」