中年好聲音3｜伍仲衡被飛出節目後　統計出鏡秒數得出驚人結果

TVB歌唱真人騷《中年好聲音3》的評審伍仲衡早前被指因搶先與新人洪心怡簽約，而觸動TVB神經，最後被飛出節目，連評審都「冇得做」。所以昨日（15日）錄影新一集《中3》，伍仲衡已經「冇份」，由陳奐仁及黃凱芹頂上。

昨晚播出一集雖然是早前已經預錄，但明顯見到伍仲衡的鏡頭「少之有少」，經計算後，一集90分鐘的節目他只有約47秒的主鏡頭時間，與往日形成很大對比。今集他主要出現的鏡頭只有3部分，就是一開始羅逸軒唱完後他給予評語，更串爆布志綸指「高音唔好聽」，這一部分他只有17秒的鏡頭。

中間部分大多數是鏡頭在拍張佳添時帶到伍仲衡，再來已經是最後2位參賽者出場後，伍仲衡有份說評語。而伍仲衡今日所說的評語大部分都是負評，連平時的「搞鬼」評語都不見了，未知伍仲衡的鏡頭減少是真的與他被飛出節目有關，還是他今集自己的發言次數減少而已。