麥玲玲大讚炎明熹狀態不俗　妙論困局「有變化都無可厚非」

Gigi炎明熹今日（15/12）「短暫解凍」出席音樂特輯記者會，但未獲無綫安排訪問。同劇嘅麥玲玲接受訪問時大讚Gigi今日狀態好。「佢拍嘅時候都知佢辛苦，壓力大、要狂練歌，而家見佢出嚟嘅狀態係非常之好。（有無贈佢兩句？）我特登出嚟之前睇佢幾時生日，睇吓佢呢幾年走勢如何，睇到佢一路落嚟都唔錯。（幾時走出困境？）有困境咩？唔怕嘅，佢又唔係我哋啲老人家，佢可能有好多發展嘅，都係一樣好，係金子就邊度都會發亮，佢自己本身都好有實力，加上年輕人諗法又唔同，一定會想多啲嘗試，我相信有時有啲變化都係無可厚非，同埋咁大間公司都會有唔同嘅人出現。」

麥玲玲又指炎明熹係念舊、有情有義嘅人，仲話「離婚都唔一定係仇人」。問到會唔會離得成婚，麥玲玲認為咩可能都有。

李爾晨在音樂特輯中，與炎明熹關係如遠若近，不過問到有無親密舉動時，李爾晨即大賣關子，但他表示見今日大批「Gi炎粉」（炎明熹粉絲暱稱），都擔心節目播出後引起「公憤」。