中年好聲音3｜伍仲衡被炒呢2位擔任新評判語帶雙關：可能關人哋事

TVB節目《中年好聲音3》今日（15日）自「伍仲衡被炒」後再次錄影，除了恆常的評審肥媽、周國豐及張佳添外，今次加入了陳奐仁及黃凱芹做評審。

陳奐仁及黃凱芹接受《香港01》訪問時被問到會否覺得是自己「取代」了伍仲衡的評審席位，黃凱芹表示自己不會理「閒言閒語」：「大家都係從音樂出發，以音樂人角度去做評審，同你哋出面依家睇緊嗰啲新聞無關嘅。」

陳奐仁則覺得「有關」：「我就覺得有關嘅，但就唔關我哋，可能關人哋事。」而黃凱芹覺得做好本份便可，二人均表示以觀摩的心態來做評判。

因為伍仲衡在給分時一向出名「嚴厲」，而二人被問到評分標準時，陳奐仁表示以「低」為主：「盡低，低極都係10分。」陳奐仁指自己曾經於其他歌唱比賽中嘗試1至100分只給10分的低分，所以今次不會鬆手。

黃凱芹就覺得第一位參賽者十分重要，因為要中肯一點，不然就會像骨牌一樣亂了套，給分要「係幾多就幾多」：「如果佢一出場我就好鬆手，咁如果跟住啲人真係好過佢好多嘅，我咪要俾100分？」今日所以兩位評審給分都有點嚴厲。

至於被問到會否是常駐評審時，二人均表示未有收到通知，但就表示若果TVB再找他們做評審，二人均指會「再做」。