林明禎缺席令電影主辦方要賠錢　彭發認拍攝專業再合作要寫清條款

出名是工作狂的林明禎，12月6日臨時甩底缺席主演電影《手機見鬼》首映禮，鬧出軒然大波，導演彭發更嬲爆表示十分之失望揶揄「護照見鬼」，更遭網民冠以「大話禎」稱號。事件發生接近一星期，彭發直指林明禎失場一事，導致電影公司被追討責任及租場費用。

手機見鬼｜林明禎首映甩底激嬲導演彭發　原來最終有趕到戲院？

事件發生近一星期，首映上彭發受訪時已表示：「最慘係主辦方，我係覺得有啲內疚，因為好多條件都簽晒合約，呢啲係要配合，始終冇咗一位主角出現，嗰條數一定捉我哋計，唔係咁簡單就算。（會唔會叫林明禎找數？）咁呢啲交返俾宣傳部，的而且確係麻煩。」

彭發受訪時直指林明禎失場一事，導致電影公司被追討責任及租場費用，當日是馬來西亞投資方起用林明禎，二人私下無聯絡方法，不過導演亦坦承拍攝時對方相當專業，可謂合作愉快，未料到首映會發生事故。如將來投資方要求起用林明禎亦不抗拒，但會寫明條款避免不愉快事件再發生。