陳海兒以8字回應伍仲衡被TVB踢出《中年3》　親揭重返節目可能性

陳海兒今日（11日）現身澳門出席活動，她接受訪問回應伍仲衡被TVB踢出《中年好聲音3》評判工作，她表示：「我都睇到呢個新聞。」提到不少網民希望她能夠重返《中年好聲音3》工作，她表示：「一直都同監製Patrick保持聯絡，一直都有討論幾時返去，呢一種呼聲希望就算有冇人退出，都希望可以返去。」她只肯透露有待通知。講到暫停《中年好聲音3》工作的原因，她分享：「其實一直都冇話拍幾多集，所以冇話停咗，一開始都係四集。」提到有傳過去伍仲衡評分相當手緊，她說：「其實我覺得唔關手唔手緊事，係習慣嘅分別。」至於有否考慮自己推出個人音樂作品，她說：「呢一樣嘢同公司傾緊。」

提到最近網上不斷有人討論胞姐顏值高，她表示：「佢平時出街都唔會特別化妝或者着啲咩衫。」被問到胞姐是否嚮往在螢光幕上曝光，她說：「唔會，我家姐其實係真正嘅藝術家，好多時候佢畫完啲畫，都畫完就算，其實都希望家姐多啲曝光，我都會特登去推介我家姐有啲畫展嘅機會。」她指從來沒有與胞姐同台演出，有望能夠有天能夠一起在舞台上表演。