何晉樂叫車獲司機讚靚仔 對方慘遭網民寸眼盲：我又唔係自認靚仔
撰文：吳子生
出版：更新：
何晉樂（Rock）今日（9/12）現身油塘出席「無煙老友記」計劃「全城集氣無煙未來有耆」活動。何晉樂接受《香港01》訪問時表示：「以前我細個嘅時候，總覺得吸煙嘅人都係壞人，但到我大個咗之後，就發現吸煙嘅人又唔係一定係壞人，明白到好多吸煙嘅人都係養成咗習慣，到佢哋想戒嘅時候都會有啲困難。而我認識嘅朋友當中都有啲人會吸煙，變咗我係會睇時機慢慢咁灌輸一啲唔吸煙會帶來啲咩好處，等佢哋容易啲接受。」
提到他早前在Threads上分享趣事，指自己Call車坐Uber時因遲到累司機久等，司機沒有責備他，反而大讚他靚仔：「嘩頭先唔覺 ，原來咁靚仔。咁就算啦，原諒你遲到啦。」有網民留言：「靚仔」，亦有人笑言：「佢應該係環境太黑睇錯，一係盲嘅」。何晉樂笑言：「其實實不相瞞，嗰個網民係我朋友嚟，原來係我個朋友玩嘢，我都有話佢，你搞到我上新聞。不過就算係有，都冇所謂嘅，始終我又唔係自認靚仔。」