李佳芯疑離巢TVB 好友梁嘉琪13字終極揭開真相

梁嘉琪昨日（9/12）現身油塘出席「無煙老友記」計劃「全城集氣無煙未來有耆」活動。梁嘉琪接受《香港01》訪問時表示：「其實我公公佢食咗好多年煙，每次屋企人叫佢戒煙佢都話戒唔到，於是我哋就帶啲孫仔孫女多啲去拖佢，俾啲動力佢，令佢明白煙對小朋友有害，就係咁，佢就成功將多年嘅煙癮成功戒除，我哋屋企人係好開心。」

對於好友李佳芯，被網民發現於社交平台的工作聯絡人已由TVB經理人，改為「DM for work」，疑似低調離巢。嘉琪表示：「其實我哋一直都有聯絡，但就真係冇傾工作上嘅嘢，而我哋平時嘅聯絡都係睇吓電影，又或者睇吓展覽，咁所以我真係唔知，同埋我真係唔係成日上ig，睇佢經理人聯絡仲喺唔喺度呢。（見到好友李佳芯被無綫打格仔會唔會覺得好慘？）真係唔好意思，我真係少留意呢方而嘅新聞。（而家話你知，咁覺唔覺得慘？）加油，加油，希望多啲地方可以見到你演出，加油，加油。（佢冇嘢做，會唔會介紹佢入電台做？）佢會冇嘢做？佢個人好忙㗎，因為佢要讀好多書，同埋佢有好多唔同嘅興趣，所以唔需要擔心佢嘅。」