岑珈其首回應《破·地獄》被刪減戲份 親解與黃子華關係
撰文：鄺鈺瑩
出版：更新：
《破·地獄》票房衝破1.2億大關，導演陳茂賢早前表示已應子華神破億承諾，會有加長版本，內有岑珈其、谷德昭。
岑珈其今日出席《IT狗2.0》開鏡拜神，他表示：「期待，希望係真，見到佢哋有咁好成績都開心。」岑珈其又指陳茂賢有預先通知自己戲份被刪，而他亦會尊重。「我係飾演佢（黃子華）嘅同父異母細佬，所以希望會出到街，大家睇多少少。我真係參與好少，但希望可重見天日。」問到戲份重見天日後，會否想參加謝票，岑珈其表示：「想，但因為要拍劇，所以都未必有時間，但夾到時間都會想去。」
至於萬眾期待嘅《膠戰S4》，岑珈其透露預計明年初開拍，但仍在度期當中，他更許願想去埠拍：「一家要搭飛機，私心想去日本，因為啲嘢啱我食。」