譚耀文相隔多年返TVB表演　獲薛家燕邀跳唱：好耐冇做最擅長嘅嘢

譚耀文（阿譚）近期在深圳為劇集《正義女神》日夜趕工，但亦不忘回港為《歡樂滿東華》演出，雖然要24小時內來回深圳和香港，他也覺得值得。

阿譚表示：「之前推出新歌嗰陣時，接受家燕姐訪問，大家講過話有機會可以合作就好，諗唔到隔咗冇耐之後，就收到家燕姐邀請我做東華嘉賓，仲話想同我做一Part勁歌熱舞，當時一聽到就即時答應，雖然之後要返深圳趕劇，但係為善事岀力辛苦啲都係值得。」

阿譚又說：「事隔多年再返回TVB表演，心情特別緊張又興奮，返到去仲見到好多熟悉嘅面孔，感覺份外親切，今次除咗唱歌仲要跳舞，所以喺拍劇途中都來來回回返香港去排舞，雖然好耐冇又唱又跳，不過可以做返自己最擅長嘅跳唱，又有一種好熟悉嘅感覺。其實喺演出之前因為趕劇嘅關係，有啲唔係好舒服，好彩都冇影響正式演出時嘅水準，現場見到啲觀眾反應，就知道冇白費功夫。」

昨晚《東華》演出之後，阿譚馬上坐車回深圳繼續為劇集拍攝，除了電影和電視劇之外，音樂上都是他在2025年的目標，希望可以在新一年用音樂去回饋追隨自己多年的樂迷。