愛回家｜三太樊亦敏過「富婆式」聖誕？ 每年必做呢件事
撰文：林迅景
出版：更新：
《愛．回家之開心速遞》三太樊亦敏戲中飾演闊太，其實戲外她亦是被稱「闊太」的隱形富婆。今晚（06/12）她出席仁濟的盆菜晚宴，表示這次為第一次參加仁濟的盆菜晚宴，感覺興奮。她接受《香港01》訪問更讚揚了一番仁濟的慈善工作，相當「識做」。
聖誕臨近，問到「富婆點樣慶祝聖誕」時，她就笑言：「我係一個好悶嘅人，聖誕節只係佈置吓屋企，跟住買吓禮物咁，但係最主要係喺屋企瞓吓覺，或者去朋友屋企玩吓。聖誕節係我一個好鍾意嘅節日，一家人，朋友有個好好嘅機會聚埋一齊。」
TVB台慶紅地氈意外｜《愛回家》超級富婆跌倒 眾人衝上前急慰問
她續說：「大家係因為《愛回家》所以誤會咗啫！哈哈哈，我係一個好貼地嘅市民。其實屋企真係有啲聖誕樹真係好高，咁又冇5米高。」她直言，以前會買真樹佈置，但後來發現「BB」（愛犬的稱呼）喜愛吃聖誕樹的樹葉及松果裝飾，所以要專門多買一個圍欄圍起來。「令我有啲擔心囉，去吓旅行都有嘅。」其後，她也透露，曾經買過一棵近三米聖誕樹佈置，而且每年都會在樹頂上放上裝飾，以及在樹下擺上禮物，相當有氣氛！