伍仲衡劇透炎明熹新歌風格　望旗下歌手洪心怡有合作機會

伍仲衡日前在直播中提到炎明熹將推出新歌，引起「解凍」之說，伍仲衡同周國豐今晚出席慈善晚宴，伍仲衡解釋該作品早在年頭已錄音，當時自己都有出Po。「今次係廣告歌，據我所知係好快推出，但我完全無講過佢啲行蹤，我連佢電話都無，好生疏㗎，我純粹話首歌就快有得聽。」伍仲衡劇透作品風格比較開心同sweet。

伍仲衡又指自己新簽嘅歌手洪心怡是Gi炎粉，所以十分期待可以同炎明熹合作，仲話「唔排除有呢個機會，never say never 。」周國豐認為炎明熹咁唱得，應該要更活躍，但即被伍仲衡提醒「佢唔係唔活躍，係活躍唔到」，十分好笑。