【都市閒情】安德尊又恰宋芝齡　當眾扯耳仔質問：睇唔睇到呀？

上兩禮拜講到《都市閒情》搞搞新意思，在暑假黃金檔期找來主持人和嘉賓做一個暑期工專題，叫《安齡暑假冇時停》，一眾藝人落手落腳去體驗不同工種。節目單位很有新意安排到海洋公園做「大熊貓護理員」，但誰知安德尊貪玩，一手抓住拍檔宋芝齡硬塞熊貓零食在她嘴裡，害她谷到面紅紅，網民就鬧爆安德尊以大欺小，說看不過他這樣過份的行為，更提議TVB下次裁員應該第一個把他裁掉，各人口誅筆伐，相信安德尊會學乖禮貌一點。

誰知道昨天節目播出，他又故態復萌，今集他們到酒店做實習房務員，安德尊和宋芝齡分配成一組整理好房間，期間大王居然情急之下，扭住宋芝齡耳朵問她：「睇唔睇到呀？」，嚇得她驚慌失措連忙答覆大王：「睇到喇睇到喇！」如此霸凌行為絕對不可容忍！拍檔宋芝齡就為大王解畫指這些都是節目效果，她說：「我哋兩個成日都係玩咁癲㗎，可能多年工作關係，熟絡左先係咁啫，其實我平時都有還拖嘅，不過鏡頭冇影出嚟啫。」

不說大家可能不知道，原來製作單位特意挑選安德尊和宋芝齡兩個人做主持，皆因宋芝齡是大王的剋星，她還分享如何克制大王之道：「就係對佢放一下、收一下、放一下、收一下，其實同佢拍檔左咁耐，我同佢不嬲都係咁樣溝通嘅，不過依家季節性地將大家真誠情一面搬上大銀幕啫。」她透露二人合作多年，有時每她又不忘大讚大王工作認真，只是像個大小孩愛玩愛鬧，「其實佢份人好gentleman，所以我哋兩個冇話有冇過火嘅時候，都有整蠱佢嘅時候㗎！」所以都是節目效果，最後節目亦有安排大王向宋芝齡下跪認錯，節目效果大家不要太過認真，她亦很謙虛感謝節目導演和製作單位，全靠他們暸解她和大王的個性，想出一些鬼主意，才令節目變得更加有趣味性。