周殷廷捲入抽水風波 遭網民圍插牆頭草：見住床哥咁講我係好無奈
撰文：吳子生
出版：更新：
周殷廷（YT)今日（4/12）現身尖沙咀出席品牌活動。對於捲入床哥抽水風波，遭網民圍插「牆頭草」雙面人，YT接受《香港01》訪問時否認自己是雙面人：「本身我係認識Edan，如果佢嘅粉絲DM我，話講呢句說話唔係太好，我覺得我係會同對方道歉講返唔好意思。但當時做緊直播嘅時候，每一個人都有佢自己嘅自由，我唔可以話呢樣唔可以講，嗰樣唔可以講。其實當時我喺現場見住床哥咁講我係好無奈。」
YT續說：「其實我覺得佢而家嘅諗法係件事已經完，但大家仍然影響緊呢件事，亦係大家唔想呢件事完，但所有人希望繼續可以食花生，然後借助佢哋嘅痛苦，得到我哋嘅每一日快樂，而呢樣嘢係我唔鍾意嘅一部分。」