馬國明再回應老婆湯洛雯懷孕 預告深圳過聖誕兼結婚周年
撰文：鄺鈺瑩
出版：更新：
馬國明、小迪今日喺迷你倉活動上「父女重逢」，馬明接受訪問笑稱「唔可以攬攬，唔夠膽，嗰時同佢拍戲係可以手抱。」
馬明透露近日大部分時間喺深圳拍劇，老婆亦不時去探班，講到老婆再被傳懷孕，馬明表示：「暫時真係未有，如果有會好大方咁講，大家唔使估。」對於經常被傳懷孕，馬明認為是大家太想所致，就好似公布拍拖就火速被傳結婚一樣。問到湯洛雯有冇食中藥調理身體，馬明表示：「又冇，但佢有運動。（有無幫你補？）都冇，老婆唔識煲補湯，簡單湯水就識。」
馬明指老婆缺席台慶是因為有工作在身，今日她亦有廣告要拍，仲叫大家唔好誤會佢坐屋企冇嘢做。聖誕節將至，馬明預計要留在深圳開工，由於適逢結婚周年，所以老婆會到深圳慶祝，而禮物亦已收到。「佢就未送，大家提提佢，（你想要咩？）佢知嘅，仲揀緊。」