Jeffrey澳門與謝霆鋒同場想講「細細個⋯⋯」鄧麗欣將為個唱閉關
撰文：鄺鈺瑩
出版：更新：
Jeffrey（魏浚笙）同「家姐」鄧麗欣今日齊齊出席美容產品活動，Jeffrey賣口乖讚Stephy雖然成日見，但都有愈來愈靚感覺，而Stephy就話Jeffre之前比較「大隻」，今日略為瘦身，但對佢嘅Deep V裝已經睇慣晒。
聖誕將至，Stephy預告要為明年3月個唱閉關，但她不愁寂寞，男友會留港陪自己。「因為我每次飛完都有少少病，所以好擔心，所以盡量無事都留喺香港。」個唱加場，Stephy表示體力同聲音方面都無壓力，更笑言知道紅館檔期已經冇得加，亦認為3場剛剛好，Stephy又謂如果有機會巡迴的話，最想開英國站，因為唔少朋友都移居當地。
訪問中，Jeffrey問大家有無覺得佢文學修養勁咗，又自爆不時會睇返自己訪問，仲話：「咁有內容嘅，有時都覺得幾好睇。」Jeffrey日前到澳門演出時，同場有偶像謝霆鋒，他表示唔夠時間表現自己嘅文化同修養，只係夠時間合照：「有認過講『 細細個就鍾意你』，但好似好尷尬。」