59歲夏文汐公開凍齡秘笈5大法則：醒唔好即刻去洗面
撰文：吳子生
出版：更新：
80年代性感女神夏文汐早前踏入59歲生日，其圈中好友陳百祥及妻子黃杏秀以及其他好友為夏文汐慶祝，並大讚她保養得宜，是「永恆妙齡少女」。日前（2/12）夏文汐現身電視城出席TVB Plus《直播靈接觸》 直播節目。
提到「凍齡」有術，夏文汐接受《香港01》公開保養心得：「其實我覺得最緊要係個心態，同埋平時就唔好亂食嘢，食得清淡啲。主要日常我都係食粥同食菜，同埋沙律嘅啲，海鮮我都好鍾意食，相反肉類就比較少食，其實我嘅飲食習慣幾廿年都係咁，冇變過，所以我一直都唔肥，反而喺我生BB嘅時候就最肥。（平時都有敷面膜？）對我嚟講得多敷面膜係唔好，因為有好多化學成分，敷得多反而唔係咁好。同埋有一樣嘢，千祈瞓醒唔好即刻去洗面，因為我懶成日唔洗面，我係等到食完晏我先洗面，我知好多人一瞓醒就即刻洗面，但我唔係。（有冇話用熱水定凍水洗面？）我凍水唔洗得面，因為我怕凍，我要用暖水洗㗎，同埋唔好用熱水洗面。」