戴耀明內地登台費曝光　連網友都話抵：網紅都不是這個價

戴耀明除咗係綠葉王之外，近日亦多咗一個侍應嘅身份，事關幕前工作量減少，為幫補生計，所以喺茶餐廳內做侍應，落單、送餐、洗碗、倒垃圾樣樣都要做，日薪約3、4百元。

其實除咗拍劇做侍應外，戴耀明亦有到內地登台，有中介公司曝光其登台價：人民幣5萬/5首曲＋互動＋VIP合照，另要求四至五星酒店以及保姆車。如果以藝人登台價嚟講，1萬人仔首歌的確係超值，甚至有網友指「網紅出場費都不只這價」，不過亦有網友認為「密食當三番」的話，一個月隨時6位數落袋，但前題係要接到job。