36歲電視台小花冇劇拍打幾份工幫補生計：啲衫著到爛先攞去回收

丁樂鍶（丁丁）今日（29/11）現身天水圍出席無綫熱播劇集《異空感應》宣傳造勢活動。丁丁接受《香港01》訪問時表示：「今次呢個角色係好有挑戰性，因為有好多方面都係新嘗試，而呢個角色我係唔可以話俾大家知我做乜，因為一講咗出嚟，就會影響晒成個劇集嘅追看性，我只能夠講係一啲破案嘅關鍵嚟，變咗我係唔可以劇透。」

對於戴耀明為了生計不怕面子，到茶餐廳做侍應，幫客人落單送餐。原來丁丁也有開工不足的日子，都會死慳死抵不會亂花費購物，而且還會做兼職幫補生活費：「其實自己比較慳，都唔會亂咁去買嘢，生活上好多嘢都會好簡單，同埋會環保，例如啲衫會著完再著囉，著到爛先會攞去回收。同埋有時候遇到冇工開嘅時候，我都會做兼職，因為我有個姨姨佢係做禮儀師，咁所以我係跟佢去做嘢，呢份工我都做咗3年，咗啱係喺疫情嘅時候去做，而家冇劇拍嘅時候，我都會去幫手，除咗呢份工同拍廣告之外，都會到朋友診所幫手，可以話乜都撈吓咁。」