張敬軒為處理家事暴瘦　因粉絲冷漠感唏嘘

張敬軒日前開live訴心聲，昨晚（28日） 他現身時裝盛典時，表示仲有事情仍然未解決，當中包括家人進出醫院，頗為擔憂，但有信心一定會好。軒公又指一直對頒獎禮十分佛系，去年是因為見到粉絲落區拉票，唔想有坐享其成感覺，所以要做啲嘢。今年有一大半時間處理家事，搞到瘦咗7、8kg，軒公坦言今年放在音樂上時間不多。「我係一家之主，爸爸做完眼科手術後，返廣州媽媽又吃不消，所以今個月會搬嚟香港，要搵個方便輪椅出入嘅地方住。」張敬軒因為是家中獨子，所以有時都會感到吃力，他亦有因工作忙碌、少與家人相處而感到自責。「我有啲唏嘘，部分fans只係care歌手出歌，你屋企有咩事、身體健康都與我無關。所以我屋企有事都第一時間同歌迷講。」