梁超怡指首次拍劇演奸角驚影響形象：如果演得好衰可能會俾人定型

2022年港姐季軍梁超怡今日（28日）出席《黑色月光》宣傳活動，她接受《香港01》 訪問大談新劇難忘史：「我覺得最開始播出《黑色月光》嘅一場喊戲，一邊食緊水濕咗嘅飯盒喺度喊，因為我要大啖食裝滿咗水嘅飯，又要一路喊，所以情感流露得好慘。」她繼續指當導演還未有cut機也需要繼續投入演出。

指首次拍劇演奸角驚影響形象

講到首次演出劇集，對於網民最難忘的留言，她笑言：「有啲網民話好憎我，係咁問我點解要害人，同埋落藥。」至於會否出街俾人鬧太奸，她表示：「咁又冇，只不過係喺網上啲人嘅留言，同埋都畀咗好多鼓勵我。」被問到網民揣測床上戲對手的身份，她說：「嗰個角色就係年輕版馬貫東。」她有望演出特警或臥底的角色，尤其是挑戰演出精神病人。

被問到會否擔心首次演出奸角會影響‪商業邀請的考量顧慮，她直言：「都會㗎！都有呢個擔心，如果演得好衰，可能就會俾人定型，我都有同好多前輩監製導演傾過，要接受好多唔同嘅角色。