梁文禮爆鄭欣宜行蹤被批　近況曝光暫未想復工：畀啲時間我

鄭欣宜自上年3月紅館個唱後，鄭欣宜疑因抑鬱症復發絕跡幕前，對上一次更新社交網已經是去年聖誕節，期間一度傳出患病消息，更指她秘密返加拿大生B。神隱多時行蹤再次曝光，DJ梁文禮發文指遇見欣宜﹗

鄭欣宜去年3月完成個人演唱會後她就停工休息，休養至今已一年半有多。（IG：@princejoyce）

欣宜神隱一段長時間。（IG@princejoyce）

休息期間欣宜曾擔任許廷鏗《一場同學》MV女主角。(影片截圖)

曾勇奪商台「叱咤樂壇女歌手金獎」及「我最喜愛的女歌手」，鄭欣宜成功升呢天后，但突然神隱令外界相當擔心。DJ梁文禮於社交平台爆料：「啱啱撞到欣宜，我一手捉住佢，大家即刻攬一嘢，佢狀態好好，我即刻問係咪要迎接你復出？佢笑一笑話：『俾啲時間我...』OK唔俾壓力妳，等妳，really miss you」

今年9月有網民野生捕獲欣宜。（網上圖片）

梁文禮與鄭欣宜相識多時。（影片截圖）

梁文禮透露偶遇鄭欣宜。（梁文禮THREADS）

之後亦有網民留言指都曾於連鎖傢俬店撞見過欣宜，網民聽到欣宜的消息大部分都感到開心，不過，亦有網民不滿梁文禮爆料，直接留言：「人哋都叫比（畀）啲時間，你又要出個post炒流量」、「好心啦，人哋都未ready要被人關注，你仲要出個post make noise，你有冇諗過欣宜感受。」