傳華納杯葛商台將全體缺席叱咤 Tim@Dear Jane：咁攪笑

樂壇各大頒獎舉行在即，有報道指商台因贊助助關係，與華納「擘面」吵大鑊，雙方「勢成水火」，再加上張天賦(MC)、洪嘉豪未能打入「我最喜愛的男歌手」最後5強，反觀曾是同唱片公司的「棄將」周殷廷(YT)有得留低，有傳華納已通知商台將缺席頒獎禮。

華納旗下嘅Dear Jane( Tim 、Jackel ）、Nancy 、湯令山、moontang、張蔓姿今日（23日） 齊齊參加《903 AllStar 籃球賽》，賽事結束後，Tim接受訪問時，以「咁搞笑」形容傳聞，並指：「我只可以講叱咤套衫comfirmed，仲好鍾意。」之後又問同門嘅Nancy 、湯令山、moontang、張蔓姿準備成點，之後補充：「報道話MC 出咗5強唔開心，但5強都唔關事，投票架嘛，然後YT環球架喎。Dear Jane第12年入，贏咗架啦。正經講啦，今年試好多歌，無掂情歌，所以做到喜歡嘅音樂，睇到樂迷反應好好就夠。」