李龍基74歲牛一感觸良多眼濕濕　等女友Chris出獄明年一齊慶祝

李龍基今日（23日）現身亞視「翻生」節目《今晚不設防》記者會，他表示趁機與一眾亞視之友聚舊，問到如果節目搵佢做嘉賓的話，是否盡訴心中情，基哥表示「一定」，又話只要唔犯法嘅都可以講。

基哥月初牛一，他感恩有朋友為佢慶祝，蛋糕都砌唔少，問到少了Chris的生日是否有另一番感受？基哥感觸表示：「係，但都有盼望，但我哋約定2025生日一齊慶祝。」基哥提到生日願望之一是Chris在獄中健康時一度眼濕濕，他解釋：「諗起佢就唔係好開心，因為樣樣嘢都好多限制，不過唔緊要，都係向好嘅方面諗，剩返七個月就可以重獲自由。」基哥透露Chris每日郁有寫信畀自己，主要是分享閱讀嘅書籍，而自己亦每星期都會寫信畀Chris。基哥表示已諗好Chris 出獄後到佛山住，因為對方在當地有物業。

聖誕將至，本是登台好機會，但基哥打算為明年初演唱會閉關，他稱除了是為「吊癮」外，亦想加入新元素，但他堅拒透露有咩諗法。