呂奇驚傳死訊｜呂珊曾被誤會是女兒　未能得知世叔伯現況望安好

粵語片一代紅星呂奇（原名湯覺民）於80年代末淡出幕前，並移居台灣，資深傳媒人汪曼玲近日指今年4月收到呂奇死訊。

以「世叔伯」稱呂奇嘅呂珊，今晚（20日） 出席《巾幗梟雄之懸崖》宣傳活動時，近日有記者搵她求證，她表示對上一次與呂奇「聯絡」已經係一年前嘅事。「當時有朋友同佢有聯絡，問佢可唔可以要電話，但奇哥話唔使，佢有關心我媽媽，因為佢識我爸爸，以前一齊拍粵語片，我有啲失望，係好想見佢，因為細個成日見佢，係好掛住佢，但佢選擇低調都無辦法。」呂珊表示當時得知其身體狀況不錯，但由於與該友人失聯，所以現時無法得知呂奇狀況如何，希望是安好。「無親戚關係，即係我同呂方都無關係一樣，哈哈，可能因為細個成日同佢一齊，因為爸爸成日同佢合作，所以令人有錯覺。」