愛國藝人食飯忽然變大牌？　𢳂兩啖唔滿意爆seed：叫個廚師入嚟

當你見到一個人去到餐廳，「𢳂」兩啖菜色便臉帶不滿，然後竟然叫廚師到場，你會聯想到甚麼？好自然是他覺得菜色不合格，找廚師來投訴。日前有「愛國藝人」之稱，原名梁烈唯，曾改名梁烈維的梁競徽便拍了一條片，正正出現以上畫面，令人抹一額汗。

梁競徽的確是投訴，但卻是向廚師投訴菜色份量太足料，質量又好，怕他這樣經營餐廳會結業。

其實這條片早前已瘋傳，因為他向網民呼籲留港消費，他說：「你睇人哋講話唔想香港美食之都衰喺佢哋手上，留港消費都有好嘢嘅。」但網民似乎唔Buy，說梁競徽「留港」字幕都打錯「流港」，沒有誠意，並遭網民寸爆：「咁你又成日返大陸」、「其實他表演得很辛苦的 差點就笑場了」等等。