陳凱琳再回應「含淚宣布離婚」　唔會提告：不時都會有負面嘅新聞

陳凱琳今日（20日）出席頒獎典禮儀式，她接受《香港01》 大談保養心得：「我鍾意拍片嘅時候都有好多唔同嘅表情俾大家見到，會加深皺紋，我覺得唔使驚要好好嘅保養就得。」她繼續指與老公鄭嘉穎每天都有保養皮膚，並表示：「佢都會問我有啲咩產品好用，然後就自己攞嚟用。」

陳凱琳回應「含淚宣布離婚」

對於近日傳出與鄭嘉穎婚變傳聞，甚至「含淚宣布離婚」一事，她表示：「得啖笑囉，周不時都會有負面嘅新聞，我哋知道係假嘅新聞，我哋都唔會好重視呢件事。」談及會否追究提告，她說：「唔會。」被問到夫妻相處之道，有時也會經過吵架階段，她分享：「兩個人好和睦咁相處，首先就係要溝通，我哋會經常同三個小朋友溝通，咁樣就會減低夫妻拗撬。」

至於早前鄭嘉穎受訪主力要訓練小孩講廣東話，她表示：「其實我大仔都肯講廣東話嘅，但大環境影響就講英文，所以媽媽就要以身作則，我自己都有多啲講廣東話。」談及過去有否讓小孩欣賞老公鄭嘉穎的電視劇，她說：「之前有俾小朋友睇《殭》，可能佢哋嗰陣時太細個，不過佢哋而家大咗再睇就有少少驚。」