保錡為低俗主持反思　自嘲周身刀冇張利：但都要尊重

ERROR今日現身大埔出席團綜《ERROR死腳膠千萬巨蛋自作業》記者會，並即場送上新歌《音思路》。保錡在記者會上繼續講日文「KIMOCHI」、「ikuiku」。

提到喺另一綜藝節目《呢度住吓 嗰度住吓》因失言及對當地人做出不雅動作，而被網民體集投訴。保錡表示有因節目而反思，並謂：「我拍完《Auntie 你好》馬來西亞篇後幾日後就過咗日本拍呢個節目，我反思過後覺得係唔可以用同一風格做所有節目，要睇對手係咩人，因為Dee姐熟人，以前拍嘅時候都係hehe哈哈，唔記得咗佢嘅風格、同ERROR拍節目時都係玩嘅風格，我自己都要醒下同反思，睇下點做節目。我喺ViuTV都有心做節目，雖然唔係想上咩大檯，但都要尊重每個人嘅風格去配合，咁先會成為一個全面嘅藝人，雖然周身刀冇張利，但都要尊重觀眾同自己。」

保錡指過去一直沿用自己風格，但其實並不是所有節目都適用，自己應該多問多探討，Dee亦幫手解圍，指如拍喜劇或正劇都有不同方式，又指「所有嘢都係透過失敗尋找進步空間。」