修哥胡楓狂讚TVB五大威水史 直認TVB近年艱難：但準時出糧值得讚
撰文：張寧兒
出版：更新：
《萬千星輝賀台慶》昨晚（19日）圓滿結束，今年嘉賓陣容一如既往地有睇頭，有前輩盧海鵬、「璨神」廖偉雄等。而胡楓（修哥）亦把握機會拍《修哥萬花筒》，除了邀請各藝人送上祝福，更列出TVB五大威水成績，而準時出糧竟然都是優點之一。
修哥稱TVB對香港貢獻「非常、非常、非常之大」，他指未計海外及內地「每一日最低限度有二百幾萬人次睇TVB，累積到57周年已經有幾百億人次睇TVB。」第二是TVB培育大批人才，「台前幕後不下一千幾百個。」第三則是TVB的慈善騷幫助許多有需要人士，他說：「籌款過億，57年嚟過百億㗎啦！」
談到TVB員工待遇，修哥認為：「TVB對員工非常、非常之照顧」，他說：「呢57年嚟真係好多家庭因為TVB得到溫飽，子女讀大學都係TVB功勞嚟。」修哥坦承TVB近些年較艱難，但值得讚的是「準時出糧」。