TVB台慶2024｜新「聲夢一姐」終現身！ 呢位小花頂替炎明熹企C位
撰文：邱愛霖
出版：更新：
無綫廣播有限公司（TVB）《萬千星輝賀台慶2024》昨晚（11月19日）假將軍澳電視廣播城隆重舉行，歌唱真人騷《聲夢傳奇》一眾學員有份打頭陣表演。《聲夢》冠軍炎明熹（Gigi）自出道以來就獲力捧嘅聲夢小天后，去年台慶有三個表演，今年炎明熹因合約風波疑尚未「解凍」，竟由呢位小花頂上做「聲夢一姐」？
炎明熹去年於《萬千星輝賀台慶》中共有3個表演，不但帶領《聲夢傳奇2》冠軍任暟晴（Jasmine）及與《聲夢》隊友合唱，更被安排獨唱，足見備受力捧！2021年為無綫第一屆《聲夢傳奇》做導師的李克勤，在《萬千星輝賀台慶》尾聲壓軸登場，與炎明熹獻唱首首經典金曲掀起高潮。
可惜今年炎明熹連影都無，同屆亞軍姚焯菲又正於新西蘭讀書，蜀中無大將，故今年TVB安排《聲夢1》季軍鍾柔美（Yumi）企C位，去年鍾柔美只站第二行，望炎明熹背影，今年火速被「升級」，果然要上位都要睇運氣！