Gin Lee殺入叱咤我最喜愛女歌手10強 　想落區擺檔整甲拉票

Gin Lee今日（16日）出席《新城勁爆頒獎禮2024》記者會，她接受訪問時提到今個月仲有歌推出，今年可算是多產。

提到打入「叱咤我最喜歡女歌手」十強，Gin Lee表示想積極落區拉票，但「抱怨」去年張敬軒將拉票準則推到勁高。「如果要擺攤我都可以幫手整甲，每人限整一隻，3分鐘。有齊晒工具，隨時可以，但因為我呢幾個星期好忙，有校園騷又有主題公園演出，每日都好忙。最擔心係時間，如果有時間一定同fans去拉票。（無時間同男友過聖誕？）哎，年尾當然係做嘢，無假放。我期待農曆新年可以放假，公司話衝埋年尾可以放假。」