TVB愛國小生回港拍片撐留港消費　反遭網民寸爆：呢條友算吧啦

現年45歲、原名梁烈唯，曾改名梁烈維的梁競徽，曾獲無綫力捧，先後於2012年和2018年獲得《飛躍進步男藝員》和《最佳男配角》，演技獲得肯定，可惜觀眾緣一般。

近年他轉攻內地發展，曾拍攝自己到天安門觀眾升旗儀式，期間激動到眼濕濕，愛國情懷獲得內地網民認證，大讚他是愛國藝人，同時為他爭取了不少演出和登台機會；此外，梁競徽又加入直播帶貨行列，成績不俗，早前更被指搬入千萬海景豪宅，可見愈撈愈掂。

最近，梁競徽回港到了一間潮州菜館拍片為對方宣傳，叫了滿台食物有龍蝦、避風塘炒蟹、滷水鵝頭、魚翅等菜式，人頭都只是900元，他大讚價錢抵食。大廚表示：「香港係美食之都，我哋唔想衰喺我哋呢一代手上，所以做好啲。」梁競徽叫對方加油，並不表示：「你睇人哋講話唔想香港美食之都衰喺佢哋手上，留港消費都有好嘢嘅。」

但網民似乎唔Buy，說梁競徽「留港」字幕都打錯「流港」，沒有誠意，並遭網民寸爆：「咁你又成日返大陸」、「其實他表演得很辛苦的 差點就笑場了」、「出道咁耐X足咁耐」、「信你一成，雙眼失眀」、「勁廢柴」。