黃瀅仴遭鐵鈎刺穿手 勁驚喊住流血坐的士入院：司機開得勁快
撰文：吳子生
出版：更新：
黃瀅仴（Verena）昨晚（13/11）現身電視城出席《萬千星輝賀台慶》跳舞排練。提到日前準備為台慶項目採排，不慎在家中發生意外要趕赴入急症室。Verena接受《香港01》訪問時表示：「其實嗰日我喺屋企做家務嘅時候，用吸塵機吸塵，唔小心吸住咗個貓嘅玩具，然之後我就用力將個貓玩具拉出，點知俾個玩具嘅鐵鈎刺穿咗我左手嘅食指，嗰一刻我勁驚，心諗冇理由連埋個玩具去醫院，於是我就掹返出嚟，之後啲血係咁流。」
Verena續說：「當時屋企係得我一個人，我唔知點算好，我即刻打俾公司同事PA，我話我返唔到嚟排練鋼琴，我整親隻手流緊血，PA叫我唔好喊，反過嚟安慰我，叫我入醫院先。之後我就用紙巾㩒住個傷口坐的士去急症室，的士司機見到係咁喊，問我咩事，我話仲親隻手流緊血，的士司機見到咁嘅情況，佢係揸得勁快，可能佢仲驚過我。」