張致恒老婆雯雯終極回應冇錢又生指罵：我係好不負責任咁生左4個

前Boy'z成員張致恒（Steven）與老婆區燕雯（雯雯）婚後年年生仔，四年誕下兒子，直至去年Steven公開自己已做結紮手術，稱「為頭家負上最大責任」。不過，倆夫妻的財困問題一直未解決，連日來雯雯都有社交平台放負，更曾說狠話唔再乞：「要死一齊死」，令人憂心。

今日（13日）雯雯又再在IG Story連發兩個Post，希望別人諒解他們的「苦況」，更罕有不再爭拗，承認自己生咁多無錢養是不負責任，寫道：「成日講人地邊個邊個可以一個照顧4個，你自己有冇試過？以前條街都冇咁多車，以前小朋友自己留係屋企都唔會比人告，而家小朋友有少少野都叫疏忽照顧要報警。我係好不負責任咁生左4個，但自問都已經盡力照顧緊。D人成日講同閙，但又有幾多個人真正做到？你可以唔認同，你可以唔理解，但無需要批評」

雯雯繼續埋怨世界：「世界好現實，你冇錢，等如你乜都唔係，你要求人借錢，你更加變得一文不值。我窮養唔起4個，更加代表我唔洗生存。我努力過、盡力過，但既然過唔到，都無謂勉強。」