一代武打女星李麗麗離世 錢嘉樂痛心：電影界又少一個人才
撰文：吳子生
出版：更新：
錢嘉樂今日（2/11）現身荃灣出席好友黃淑儀（Gigi姐）《烹飪Gi本法》新書發佈會。對於一代武打女星李麗麗日前驚傳病逝，享年75歲。嘉樂接受《香港01》訪問時表示：「其實聽到呢個消息好唔捨得，明白人生就係咁，我哋電影界又少一個人才。其實係好早年嘅時候我已經睇佢嘅電影，而佢係一個武打明星嚟，而且佢同成龍係姐弟相稱，當中佢同成龍所拍嘅《師弟出馬》『裙底腳』都係佢打出嚟，咁所以佢係我哋值得學習嘅前輩。」
錢嘉樂93年與李麗麗合作拍攝無綫劇集《原振俠》結緣，大讚李麗麗為人敬業樂業，從不介意由武打女星轉型做演員：「其實我覺得佢做演員係浪費咗佢，係冇人記得佢喺《師弟出馬》原來打得咁精彩有咁嘅演出，始終我哋係武打演員出身，入咗TVB轉咗型，只係演戲，冇得學似以前喺銀幕前打嚟打去，喺我做動作演員嚟講係有啲嘥，其實香港係有好多有實力嘅動作演員喺度。」