43歲唐詩詠甩拖7年成絕緣體　「億萬筍盤」踢爆一原因撻唔着

唐詩詠（Natalie）跟「絕世」好有緣，戀愛時曾被封「絕世好女友」，最近開烘焙店，又獲容祖兒前男友陳方藤大力支持，讚她是「絕世好友」。43歲的唐詩詠樣樣好，可惜入行多年情路坎坷，跟曾公開拍拖的余文樂、崔建邦分手收場，與傳過婚訊的洪永城亦於2017年宣布分手，結束兩年多的感情。雖然之後一度跟「教育界王力宏」陳思銘、「翻版崔建邦」、情同兄妹的馬國明等傳出「霧水」緋聞，但至今感情仍未有着落。

唐詩詠與練美娟（娟姐）主持的網上節目《絲打圍爐》日前邀請方力申（小方）做嘉賓，詩詠意外被好朋友小方踢爆擇偶條件，原來鍾意「曳男人」。

訪問中，小方透露與唐詩詠相識多年，但一直不太熟絡，直至疫情期間主動向女方請教睇戲心得，才發現原來二人好啱傾。練美娟問到為何單身時沒有撻着？除了timing問題，小方直說：「你真係要知道，我係個乖仔，但你嘅拍檔（唐詩詠）係鍾意曳嘅！」小方爆完響口即掩嘴續說：「佢鍾意曳少少，我呢啲唔啱佢。」搞到唐詩詠無語兼一臉尷尬，娟姐打圓場：「方力申鍾意單純、乖巧，即係阿Nat完全符合佢，可惜佢唔鍾意啫。」

現年44歲的方力申自細受父親薰陶，個人收藏逾百件天價藝術品，曾被爸爸踢爆身家億億聲，是娛圈出名的「億萬筍盤」。去年大方認愛捲入韓國邪教性侵案的葉萱（Maple），訪問中直認視對方為結婚對象，自言在感情上不想做「衰人」，所以每次拍拖都會選擇「我鍾意佢多啲嘅人」，他直認父母恨抱孫，當被唐詩詠追問有否向女友求婚，即被反客為主指大家都好關心詩詠的感情現況，場面爆笑！

點擊睇唐詩詠更多靚相：