張致恒搵「淨係星期日」兼職被質疑要求多　雯雯激動護夫：咩世界

撰文：董欣琪
出版：更新：

張致恒（Steven）與太太區燕雯（雯雯）婚後不時因欠債、周期性嗌離婚而引起外界關注，更被網民封為「離婚界KOL」，雯雯更多次公開數落張致恒「又廢又懶」，一家六口入不敷支，又放負呻窮。不過早前張致恒考獲「平安卡」做地盤工作，做「職安真漢子」，又疑似做渠務處外判工程的打雜，日前更在IG出Post搵工，但只限於星期日的part-time，因而被質疑搵工都要求多多，而吳浩康卻在IG發文「人各有志，無謂強人所難」，疑似隔空暗寸張致恒。

張致恆同雯雯育有四個仔。（IG@ugly__mama）
雯雯發文指籌到錢交租仍被趕走。（IG截圖）
張致恆公布喜訊，成功考獲地盤平安卡。（IG截圖）
雯雯又「放負」。（IG截圖）
張致恒在IG報告自己的「工作進度」，疑似去做渠務署外判的雜工。（IG截圖）
眼利的網民卻發現張致恒沒有戴基本裝備（安全帽、反光衣等），似乎違規工作。（IG截圖）
日前張致恒出Post表示想搵兼職。（IG截圖）
吳浩康與張致恆曾是同公司同事，Deep至今仍當對方是好友。（視覺中國）
吳浩康都係做地盤，踏實賺錢養家。（IG圖片）
吳浩康突然發文「人各有志」，疑似暗寸張致恒。（IG截圖）

而雯雯事後就在IG限時動態寫道：「返一份full time唔夠，放假想做多份，都要俾人話要求多，咩世界？！」似乎嬲爆爆。雖然張致恒近日勤於返工重新建立正面形象，但雯雯早前又疑似直斥老公冷血，指兒子出事卻受到冷漠對待，又曾發文控訴張致恒由得兒子捱餓，亦無法學吳浩康打地盤工：「為咗瞓覺自己唔去讀個平安卡。」不過想不到雯雯今次就主動出Post護夫，反擊網民！

張致恆同囝囝。（IG@stevencheung）
努力賺錢養家！（IG@stevencheung）
張致恆與雯雯經常上新聞。（IG@ugly__mama）
雯雯今次就主動出Post護夫，反擊網民！（IG截圖）
但之後又繼續放負。（IG截圖）
發生咩事？（IG截圖）
張致恒
香港藝人動向