汪明荃演唱會嘉賓有三大天后　其中一位竟將個唱改期：好唔話得

77歲阿姐汪明荃入行逾半世紀永不言休，11月23日及24日在紅館舉行兩場《阿姐‧汪明荃演唱會2024》，連日來馬不停蹄做宣傳，透露幾位樂壇一線歌手做嘉賓，其中一位天后更將自己個唱改期出席相當唔話得。

阿姐一直走在潮流尖端，是次演唱會找到新生代林家謙度身訂造主題曲，又與Anson Lo跳舞引起熱話。阿姐接受鄭丹瑞訪問時透露陳慧琳﹑容祖兒﹑楊千嬅三位天后都會擔任演唱會嘉賓：「Kelly我知佢明年開騷，打俾佢經理人鍾珍問可唔可以做嘉賓，佢好快就答應當然可以。千嬅又係，話要唱我嘅歌，佢一直有聯絡開，一直佢都巡迴演出中，本身初初話時間上差一日重疊咗佢演唱會，結果佢將內地演唱會檔期推遲一日嚟做我嘉賓，呢D真係唔話得啦。」當年楊千嬅舉行紅館個唱，阿姐曾任嘉賓並唱出《少女的祈禱》，獨特演繹成為經典。