黃翠如生日老公蕭正楠送騷肌照：而家已經走咗樣
撰文：吳子生
出版：更新：
黃翠如今晚（28/10）現身尖沙咀出席無綫台慶劇《黑色月光》首播宴。提到她日前43歲生日，老公蕭正楠不忘在社交平台大曬二人甜蜜合照放閃，更附上一張自己半裸上身的騷肌照，作為給她的「生日禮物」，不過被她留言取笑「唔小心放錯嘅生日禮物，好似過咗期喎。」
翠如接受《香港01》訪問時笑言：「其實嗰張相係好耐之前，佢拍劇嘅時候我幫佢影，當佢拍完嗰套劇之後，已經走咗樣，唔係嗰陣時嘅狀態，咁所以已經溶晒變成一嚿。而呢輯相我影完之後，佢係冇興趣睇，到最近我先俾返佢，佢睇完之後，呢幾日係好俾心機去做運動。不過我自己就比較鍾意有肉地，感覺有安全感啲。」