巾幗梟雄之懸崖｜拍劇要食酸餿食物？ 黎耀祥解迷思TVB好人性化
撰文：林迅景
出版：更新：
講起《巾幗梟雄之懸崖》就不得不提4個系列的主角黎耀祥，無論是柴九抑或柴十七，都帶給觀眾極大的震撼。最近網上討論區上，有網民開po討論黎耀祥在《巾幗梟雄》之中的其中一幕，大讚黎耀祥飾演市井角色入型入格，完全演出了當中的神髓。
隨後也有網民貼出一張他在慶豐年「扒飯」的一幕，就引來網民討論，到底當年他的那一碗白飯，是新鮮的還是已經擺了相當多時間。說起那一幕，黎耀祥接受《香港01》訪問時回答：「其實就唔記得咗擺幾耐，但係就入得口嘅，食得嘅。冇乜問題，冇餿冇剩，個劇情安排食咪食囉，都OK。」
拍戲經常要食擺放了很久的食物？黎耀祥又說：「我哋有微波爐，因為廠有微波爐，有時會有電磁爐，睇需要啦，叮熱佢又得，煮一煮佢又得，我哋廠入面多數都有整返熱嘅安排。同埋有時佢哋好好，譬如話嗰場戲係飯後先拍，通常係晚飯之後先上去canteen攞。當然有時拍攝安排遲咗，去到好夜，真係壞咗，佢哋都會同你講呢個唔好食啦，某啲都得，但係好少話全部唔食得。」