洪金寶蔡瀾出席飯局歎招牌燒鵝精神奕奕　高麗虹陪伴左右氣質出眾

現年72歲的「大哥大」洪金寶近年過着半退休生活，不時被「捕獲」親自到街市買餸，十分貼地，早前有網民偶遇他與太太高麗虹在澳洲一間平民餐廳撐枱腳，而近日洪金寶夫婦就與蔡瀾、廖碧兒、黃霑女兒黃宇詩等出席飯局，眾人一起大歎招牌燒鵝，相當盡興！

廖碧兒在IG限時動態曬出合照，相中所見，洪金寶同蔡瀾都精神飽滿，而高麗虹就搭住洪金寶膊頭，笑容滿面，即使已年近60，但仍氣質出眾，風采依然。而同場出席飯局的還有評馬人Colette Lam，她亦有在IG曬出合照，並寫道：「有機會見到咁多偶像級人物❤️蔡瀾、洪金寶大哥、洪太高麗虹❤️❤️❤️集郵成功❤️❤️虹姐真係好靚好靚好靚好靚😍😍😍喺蔡San同大哥面前，我即刻變成小粉絲👧🏻」