KaKaBall四個月喇！　張繼聰IG放謝安琪母女照甜到漏

講起治癒，得閒望下啲袖珍嘅嘢，就會有呢個效果。咁乜嘢最袖珍？人類界嚟講，BB就係最佳例子。話說張繼聰與謝安琪的寶貝女張靖（Karina）早前就搞咗百日宴，BB大得快，真係唔捨得，不過Karina表情多多，又愛笑，幾唔捨得都仲係覺得好開心。

搞完百日宴之後，話咁快KaKaBall又4個月大喇！IG本來充滿住仔仔女女的張氏夫婦，今日再Post相記念呢個咁美好嘅日子。謝安琪就開心share KaKaBall的表情包，讓大家任睇唔嬲。得4個月大，就咁多表情，真係似足爸爸張繼聰，將來一定係個開朗樂觀嘅少女，有著戲劇細胞，帶唔少歡樂畀大家。至於爸爸張繼聰，就一連上載兩張謝安琪同KaKaBall的合照，仲話：「望見你地咁得意，咩都抵番哂啦！」字裡行間都感受到爸爸真係甜到漏油呀！網民望見，都覺得好sweet，仲話KaKaBall係得意小公主㖭！