83歲才子蔡瀾談生死　爆好友黃霑怪癖：一疊「借據」未還

有「香港四大才子」之稱，現年83歲的食評家蔡瀾，去年因救愛妻不小心跌倒，不幸令股頸骨摔碎須以輪椅代步，太太離世後，蔡瀾入住尖沙咀全海景酒店套房，每月聘請8人團隊照顧自己。近月再次於網上活躍起來，開直播談生死：「要走嘅人始終會走。」

蔡瀾穿著紫色裇衫相當精神，坐在茶几前侃侃而談：「要走嘅人始終會走，你太掛住佢，就等於你捉住佢嘅靈魂，你不放手對方就不會走，所以如果有親人、好友過身，可以掛想念但唔好過份，最近都有好多朋友走咗，其中之一是鄭佩佩，在東京生活的時候，她的生活起居都是我安排。她一死她的另一位好友江青，邊位老友過身佢就寫一篇文章悼念，本書叫故人故事，呢本書越寫越厚，依家要出第二三集添。我覺得好係好，但係始終我覺得唔好太過傷心。」

他又提起另一位才子好友黃霑，蔡瀾指霑叔生前有個怪癖，就係唔鍾意喺自己屋企沖涼，多次到蔡瀾住所借浴室。黃霑沖完涼之後同蔡太講：「唔好意思，又打擾你，並提出寫下借據作補償，而霑叔就會要還一首曲。」但蔡瀾指直到霑叔離世前，佢已經收下一大疊「借據」，但霑叔一首曲都冇還過。