【劉皇發逝世】《竊聽風雲3》講丁權百億生意　發叔講過無興趣睇

發叔劉皇發今日凌晨逝世，享年80歲。發叔是鄉議局前主席，雖然未涉足過娛樂事業，但2014年電影《竊聽風雲3》卻傳與他有關。《竊聽風雲3》由劉青雲、古天樂、吳彥祖和周迅主演，以新界丁權與新建丁屋大廈為主題；而有傳戲中曾江所飾演的新界鄉紳話事人陸瀚濤其實是影射劉皇發。

在戲中陸瀚濤與政府達成協議，主張廢除丁權，停止申請興建丁屋，新界人就以合作社形式，擬興建30層的丁屋大廈，每個丁權可得到1600呎的單位，成事就做成幾百億大生意。

當然現實中發叔同政府都無實施呢個政策，可能只係曾江造型同戲中地位同發叔有幾分相似，所以至令人聯想到發叔。而《竊聽風雲3》劉青雲飾演的陸金強也被指是影射候志強、方中信飾演的陸永富是郭永鴻、而林嘉華飾演的陸永泉是梁福元。當年上映曾有記者問發叔有沒有興趣欣賞這部電影，發叔稱沒有興趣。