【後生仔傾吓偈】 馮盈盈做節目講有味笑話：我平時會斯文啲

無綫J2節目《#後生仔傾吓偈》開播以來一直話題多多，主要原因都是其中兩位主持麥明詩和馮盈盈(Crystal)的說話十分有話題性，而且節目請來的一班年輕人亦與她們兩個年輕相近，所以十分「傾得埋」。在昨晚那一集中，他們圍繞著讀好書 是否等於搵到錢這個話題，談及洗碗可能比大學生畢業後賺得幾多。Crystal在這個時候又發揮她大膽敢言的性格，大講有味笑話，例如「摔碟要用力啲摔喇」，身邊的人領悟到她的話中話而失聲大笑。另外在探討「0」的意義是又暗示性取向，說：「當0去接受1嘅時候呢，就會達至人最平衡狀態同埋有合體感受達至昇華，咁先係完美配合。」在場人士又一次爆笑。

有網民就大讚Crystal說話夠貼地，雖然有點意淫，究竟她私底下又是否這種性格呢？還是劇本已經寫上這些對白？在接受《香港01》訪問時她說：「我地節目無劇本嘅，最多都係有主題來圍繞討論，我平時講野其實無咁放嘅，會斯文啲，這只係為左節目效果，特意營造神經刀形象，見到有迴響我都好開心。」不過港姐形象一向是高貴大方，她和麥明詩說話貼地之餘又有點大膽，以港姐冠軍來說的確少有，會否怕被指影響港姐形象？Crystal表示：我覺得港姐形象隨時代變遷不一定只係優雅大方咁單一，可以有更多面，開拓光譜，貼地嘅形象對觀眾來說亦有新鮮感，可以令港姐感覺更親民親切。」的確她們兩個的形象已經比以前的港姐有所轉變，說話更多是平時普渡大眾的閒話家常。