Locker林家熙與Marf情侶日常竟然係放血 試當真旅行團變養老之旅

林家熙(Locker ）今日現身旺角出席品牌活動，剛由泰國華欣返港嘅佢，笑稱今次與試當真成員當作是養老之旅，主要是因為當地落雨，曬太陽，游水不成，變成揼骨、玩鎗，連酒都少飲。Locker更自封「鎗王之王」、而一日按摩三次嘅Yanny則是「骨精」，雖然今次車程令大家怕怕，但Locker都話想再去，仲話可以攜眷出席。

Marf早前因為演唱會搞到七勞八傷，Locker 指她每日排練完都即「放血」同針灸。「我都有放，係幾好㗎。大家得閒無嘢做咪去放血針灸囉，第二場我無去睇，但有去接佢，都係去放血。（情侶人常係放血？）唔想，但平日真係忙到無時間，出街都離唔開放血。」

好兄弟胡子彤出歌，Locker 笑言自己都歌手夢，仲話可以跳唱，之後又話想同Marf一齊情侶檔出活動。「有當然好啦，吸金嘛，但順其自然，始終大家路線唔同。希望有機會拍戲，唱歌就唔好啦。」