區瑞強與弟妹首次破天荒開慈善騷 胞妹區桂芬：阿哥話乜就乜
撰文：吳子生
出版：更新：
區瑞強（Albert）與弟妹區瑞明及區桂芬今日（14/10）齊齊現身尖沙咀出席《區瑞強全民共享演唱會2024》記者會。區瑞強受訪時表示：「今次係我哋三個首次破天荒作同台演出，而細妹桂芬就同我演出就好幾次，因為佢有首歌就叫做《問》，當年係好出名，記得當時唱片公司幫佢錄咗呢首歌之後，再冇其他作品，只得一首歌，就變成『一歌歌后』。而細佬瑞明佢就係第一次同我知合作唱歌。變咗今次我會安排多啲時間俾佢唱多啲歌，等佢好好享受一下。」
區桂芬接著說：「其實我哋三個相處都好隨和，阿哥話乜就乜。由細到大我哋都叫佢做阿強。」區瑞明說：「我哋唔會叫佢做二佬，都係叫佢做阿強，相反我哋嘅大哥，我哋就會叫華哥。不過對住阿強我都會肅然起敬，因為佢係我偶像。」區瑞強笑說：「真係好識講嘢。」